الطريق من دمشق إلى بيروت

خدمة تاكسي من دمشق إلى بيروت إضافة إلى أخبار الطريق وحالة الطقس

Recent Posts

اهم العقبات يلي عم تواجهنا حالياً لموضوع مقابلات السفارات بالأردن ولبنان

✅ الحدود اللبنانية عم تروح على العالم مواعيدهم بقصة القبول والرفض المزاجي وهاد الشهر في عالم انجبرت تنقل مواعيدها للأردن بسبب قصة المزاجية بالحدود

✅ بالنسبة يلي عنده موعد مقابلة سفارة بالأردن تقريباً اموره عم تكون افضل كونه عم نشتغله الموافقة تبع الدخول على بكير ولكن المشكلة يلي عم تواجهنا انو أحيانا السفارات عم تعطي مواعيد قريبة لانه المفروض أقل شي بدك مهلة اسبوعين لحتى تطلع موافقة الدخول

✅ النقطة الأهم يلي عاملة ارباك النا هي موضوع اصدار الأوراق الرسمية بسورية وتصديقها من الخارجية منشان ترفقها بملف أوراق السفارة يعني ورقة لاحكم عليه واقف إصدارها بسورية وللأسف كذا سفارة بتطلبها وكمان عندك السفارة الأمريكية بتطلب صورة عن دفتر خدمة العلم وفي ناس مضيعة الدفاتر وهلأ مافي اصدار لانه التغى الجيش

✅ السفارة السعودية: المشكلة صاحب مستند التأشيرة ماعم يعرف انو الأوراق بتختلف حسب صلة القرابة درجة اولى ولا تانية ولا تالتة

✅ السفارة السويدية في ناس عم تخربط بتحديد استلام الإقامة يلي عندهم مواعيد لم شمل

✅ السفارة الألمانية لما بتسأل صاحب الموعد وين موعدك بيجاوبك بالسفارة مابيعرف إذا كان بمقر السفارة ولا مكتب التأشيرات VFS ولا بالمنظمة

✅ السفارة الهولندية كانت من قبل عندها مرونة بتعديل الموعد في حال تأخر صدور الموافقة إذا كان في عطل هلأ صارت تعطي موعد قريب واذا بدك تعيد جدولته بتشلفك شهر لقدام

✅ كمان البريطانية صارت تعطي مواعيد مقابلات بالأردن عن طريق مكتبين للتأشيرات TLS وكمان VFS أما الفرنسية إستمرت فقط على TLS

يعني المسافر عم يدخل بحالة ضياع وكل سفارة صارت بتشتغل بترتيب إداري معين وظروف مؤسسات السجل المدني بسورية صرلنا 3 شهور شبه متوقفة إذا بدك ورقة رسمية لازم تجاهد لتحصل عليها

للأمانة احترق قلبنا وخاصة انو مرق علينا حالات كتير لمسافرين من الحدود كانوا يسحبوهم احتياط وهنن مو عرفانين

رحل مروان عن الحياة واختصر قصة كل شاب سوري!!

رحيل مروان اختصرت حكاية كل شاب سوري دفع فاتورة حساب ماله ذنب فيها !!

اختصر حكاية كل شاب دفع ضريبة ثمنها حياته بس لأنه الحظ ماحالفه وفشل بعملية هروبه وفجأة وجد حاله بساحة معركة لاناقة له بها ولا جمل!!

على مدار 14 سنة الحياة بسورية كانت بتنتهي عند أي شاب سوري عند عمر 18 وبعدها إذا نجى من السفينة الغارقة ونجح بالسفر أو الهروب لبرات البلد بتكون انكتبتله ولادة جديدة في الحياة!!

رحيل مروان بمسلسل البطل هو حكاية وجه كل عائلة سورية خسرت شبابها بنفس هل الأسلوب والطريقة الممنهجة يلي رسمها النا الساقط المخلوع هو وعائلته وسلالته القذرة كرمال يبقى على الكرسي

ببساطة شديدة ( البطل) هو عمل درامي بطابق لوحده هذا العام وبقية الأعمال بطابق ثاني مع احترامنا لعمل تحت سابع أرض طبعاً ولكن البطل أميز

كيف اليوم كان مشوارنا لبيروت وشو حالة المطار 03/24 مساء الخير من فريق ترحال

✅ الازدحام مستمر متل مالنا شايفين بالصور على الإستقبال اكتر من المغادرة اليوم نحنا من 5 صباحاً بالمطار للساعة 7 مساء

✅ اليوم كان عنا 11 إستقبال مطار لمسافرين كلهم جايين من أوروبا الحمد لله ماحدا حاكاهم شي بمطار بيروت نهائياً ختمو ودخلوا بكل سلاسة

✅ طبعاً عنا منهم استقبالين فقط كانوا نازلين على البيجازوز انطلب منهم تذكرة عبور ترانزيت نحنا بشكل تلقائي بعتنالهم ياها من امبارح بس تأخروا شوي بالمطار لبين ماتم التشييك عليها عبر الإيميل

✅ بالنسبة للطلعة من الشام من باب المصادفة انو كل طلبات وبرامج الذهاب من دمشق اليوم معهم تأشيرات الكترونيه لقطر والسعودية واندونيسيا ضلينا شي ساعتين لبين ما وصلت موافقة البرقيات لحتى ختمنا دخلنا

✅ الوضع جيد الحمدلله بالحدود وبالمطار للأسف بس تم تسجيل 3حالات ضياع للحقائب دعولنا بكرا يوصلوا لحتى مانتعذب فيهم على خدني جيتك على المطار

بالختام الشكر والتقدير للكابتن علاء رجل المهمات الصعبة اليوم مستنفر من الصبح بالمطار ليزودنا بآخر المستجدات والأخبار تحياتنا للجميع

خدمة ترحال بيروت 00963999213539