قصائد منبريه مكتوبه 📚

نشر ✍🏻القصائد داخل القناة مجاناً
بأشراف ملا ابو امير الفاطمي

مؤسسة فاطميون الحسينية

للتواصل مع الادارة

Recent Posts

كل شدة والها صاحب الزمان ❤️

{ والله نعمه }
المايصون النعمة يعمه
وين شايفلك بشر مذبوح ومفيي عليك
ميت ومن تدك بابه يترس جيوبك وديك
وأحمد الله غير الحسين بفلس مايشتريك
شلك بجرح الملامة
اكشخ بجرح الخيم
عين صير شما يكلولك سهم
( التهي بدمعك )
بهل وكت محد يسمعك
موش ربع حسين ربعك
صاحب جفوفك وشيبك
أحلامك ابنيهه بنحيبك
ضج على مصيبة حبيبك
( كلهه باجر ما تفيدك )
أمن اللطم لا تبرد ايدك
[ دوم احزن ]
الحزن نيشان الثكاله
لاضل دومك ضرف صير الرساله
وقف عيش الخاطر السلبو جماله
/ لا تفكر تهوه غيره /
الواكف وياك بضلامك بزغيره والجبيره
/ لا تفكر تهوه غيره /
الدنيا خيره الماي خيرة
العشك خيره الشوك خيره
الحزن خيره الفطره خيره
كلشي بي حدد مصيره
/ لا تفكر تهوه غيره /
لا تخلي العدم يتغلب عليك
ضيع بالطف خلي جون يدلي بيك
كافي تمشي بمشتهاتك
افترض سلبو خواتك
افترض باكو عباتك
افترض عطشن بناتك
افترض ذبحو ثباتك
ليش تمشي بمشتهاتك
سافر بكل شطر بي زينب اسيره
صير خادم من تنشده يكول حيره
طلعت النسوان حيره
طيحت العباس حيره
كسرت ام عبدالله حيره
ذني يردن كون واحد عد غيره
واحد يحب البواجي محترك صاحي ضميره
/ وحاجي روحك/
هم سمعت بشيخ ملموم بحصيره
هم شفت عطشان ومحدد مصيره
هم خذو رأسك وفرو ديره ديره
سالفة كلش جبير
تريد واحد عده غيره

تريد واحد عده غيره؟

✍️

انور السهلاني

تزودوا فأنَّ خيرَ الزادِ دمعة ..
لأبي عبدِ الله
ــــــــــــــــــ
آه من طول الطريـق وقلــة الزاد
يوم ما ينفع الراحل مـــال واولاد
نسأل الراحــــوا گبلنا الهــم شفاد
كلهم يگولون دمعه لبو السجـــاد

رحيلُ كلِّ خادمٍ يكونُ رجعة ..
لأبي عبدِ الله
ــــــــــــــــــ
دورو ويـّه اللي تدور وين ما چان
عينو هـــاي الوالده وام گلب لهفــان
ذخر ذاك العطش بس المات عطشان
وعلى صدره الخيل اصبح الها ميدان

وفازَ مَنْ باللطمِ ادمى اليومَ ضلعه ..
لأبي عبدِ الله
ــــــــــــــــــ
تزودو من المــــاتم هــــــاي الايام
والنصيب الما يجـــي الا بعــد عام
شكثر چانوا بالتعازي ويــانا خدام
وغفله راحو هذا امر الله والاحكام

لا فرّقَ اللهُ لشملٍ كانَّ جَمْعَه ..
لأبي عبدِ الله
ـــــــــــــــــ
الموت اعمى وما يميز شايب وشاب
وادمـك وياك حدها تهيـل التراب
الا ابو السجـاد ما يترك للاحبـــاب
يحضر بوكت التشوف الناس غياب

سَيسمعُ الزهراءَ مَنْ يَنذُر سَمْعَه ..
لأبي عبدِ الله
ـــــــــــــــــــ
يوم تشهد ارجـــل وتتبره الايدين
ما يفيـدك غير فزعة دمعة العـــين
وكــــت ما تلگــه ابن لا والـــدين
احن من امك وابوك تشوف الحسين

فدمعةٌ العينِ بليلِ القبِر شمعة ..
لأبي عبدِ الله

علي العابدي النجفي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ

الإستغفار حجابٌ من العذاب
الذنوب تخلي طابوگ هواي
بطريق حياة الأنسان يعثر بيه 🚶‍♂️

والإستغفار يشيل هذا الطابوگ 🙏❤️

بالگبر عنــدي البـِشاره ما اضل وحدي
عندي بالبرزخ مجالس واخدم المهدي

بهالدرب ماشين حتى لو ميتين
نخدم المهدي ......

***

يمعشوگ الحياره
يمأذنةّ المناره
فرح گلبي ابشاره ......... بشاره وللمله

صدگ حدر الترايب
خَدَمّ نلگه و مواكب
بعد نلگه العجايب ....... ضريح و كربله

بكل مكان...
خدمةّ حسين الشريفه
وخدمةّ الزهره العفيفه
عامل و عندي الوضيفه .... للحسين

بكل مكان......
اخدم و انصب مجالس
واگعد ابچي ويه النوارس
حگي لو اشگ الملابس ...... للحسين

اني كل شغلي المجالس روحي متعلمه
عـطر أبـو صـالـح يـربـي بـلكـت اشتـمه

ما نمل يحسين
حتى لو ميتين
نخدم المهدي

***

يأحـلام الحـقيقه
اذكره بكل دقيقه
اشمه بكل حديقه ..... يأحلا من الورد

يهل تسمع حچينه
حلم نحلم تجينه
متى تضوي علينه ..... هجر كافي وبعد

يا امان......
مسجد السهله يتاني
يحسب بچفه الثواني
واني ابعثلك حناني ........ يا غريب

يا امان .....
مسجد الكوفه برحمتك
وايده مرفوعه الطلعتك
چم نهر صارت دمعتك ...... يا غريب

كل عزاء انته التحضره دمعتك حمره
هـذا مـجـلس للعـزيزه فـاطمه الزهره

فاطمه و تدرين
حتى لو ميتين
نخدم المهدي

****

عشگ مو(دم) بديه
خدمتك تجري بيه
واذا جتني المنيه ...... يشيعوني بلطم

اليريد الگبري يحظر
يسوي گبري منبر
يخلي بعينه منظر ....... الزجيه وتنهظم

بكل حنان..
تنعى لحسين و عضيده
بگبري واكتبلك قصيده
بيت الاول لا تعيده ...... بي مصاب

بكل حنان..
لا تذب ماي بتربتي
ابچي و تذكر عبرتي
گبري غركان بدمعتي ........ بي مصاب

منكر المجلس يحظره و يلطم بشوگه
يصرخ ابيت القــصيده بعبره مخنوگه

لاتظن ناسين
حتى لو ميتين
نخدم المهدي

*

ندم بأنفاسي اشهگه
حلم والمهدي اشبگه
واحس بصدره الگه ...... مخيم كربله

مخيم گلبه صاير
يمهدي ادري حاير
متى تشعّ المناير ...... يراعي القافله

يا اسير..
توگف بوگفةّ يتامه
الزينب تذب العمامه
دمعك بخدك علامه ...... يا وحيد

يا اسير
بلا مكان ولا ولايه
وتلهج بطاري السبايه
اتلچمك خيوط العبايه ....... يا وحيد

بداعةّ الراحت سبيه بدمعه مذروفه
يمته اسمعهه السوالف صلى بالكوفه

لو تمر سنين
حتى لو ميتين
نخدم المهدي

***

اشوفك و بعزائي
احس تسمع ندائي
شبابك كربلائي ....... ينادوك العجل

عجل يالغالي وينك
ذبت من گد ونينك
غريب انته و حنينك ..... يمولاي الخجل

يا حنين..
يالحنانك ماكو منه
حتى بدموعك محنه
گلبي بدروبك تعنه ....... ..يالحبيب

يا حنين..
گلبك يوزع بواچي
لازم بچفك تراچي
وي رقيه شگد تحاچي ...... يالحبيب

چم علامه بروحي باتت وادعي يوميه
يمته جبريل بندائه وصيحه مدويه

چا طريقك وين
حتى لو ميتين
نخدم المهدي

عبد زينب
محمد الأبراهيمي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

اه يحسين ومصابه .. لجله العين سجابه

يا اول عشك بالكون ……… . يا اخر نفس بالروح
اه يحسين اريد وياك……… يالبيك المحنه اتفوح
والماصاح اه يحسين… كل عمره يضل مجروح

وصوتي الما اعوفه بيوم
اه يحسين ومصابه
*****
اكتبلك قصص واشواك… واحجيلك سوالف شووك
انذرلك عمر وسنين…… ..وابابك اشدها علوك
لخدامك اصير اتراب…… شما تحجي عليه حلوك

ابدي المجلس بهاليوم
اه يحسين ومصابه
*****
حافي من امشي بالموكب……..وايدي اتوسم ابصدري
وبس هذا العشك يحسين…. بس هذا العشك عذري
مرخوصه الك مولاي… .. اي كل ساعه من عمري

باجر اخدمك واليوم
اه يحسين ومصابه

خالد عبد السادة البديري

سيدي حبيبي
عدم ذكرك هو الموت
ونحن على قيد ذكرك
فدتك روحي سيدي 🙏❤️

رجاء قلبي المُتعب
لرحمة الحُسين صلوات الله عليه

رحمتك بالصور مولاي
امبينه بعينك وتجذب
رحمتك وسعت الكلشي
ما توسع گلب مذنب..؟؟

گلبي علمه
ابجديه حبك احلى ابجديه
نضره وحده
تكفي وتعمر خرابي الصار بيه
ضگت قربك
وضگت بعدك والفرق بين عليه

رجعني.. دخيل بدورة عيونك
رجعني.. بحرگه الطم على ضعونك
أمن اليبجوك مو من اليبجونّك
.............................................
احب ابجيك بالضلمة
اخاف الدنيا تاخذني
وابجليك حيه امن الناس
وما صب دمعي من حزني

مستحه ابجي
وما ابجيلك سيدي والله هضيمه
راح اسلمه
كلبي بيدك سيدي وبجروحه ديمه
وفدوة علمه
النضره من غير ام حسن ما الها قيمه

اشطبني..من راس البشر مولاي
اشطبني..بكل لحضه انته مو وياي
وسجلني بسجل امك اهم شي هاي
....................................................
ما ريد الدرب يخلص
اكصّر خطوتي بمسراك
وحرام احسب وكت يحسين
اشمر ساعتي امن انعاك

كون وكتي
يوگف ويگضي بمصايب ذاك صبحك
عشت ميت
وانحييت بشهگه الزهره اعلذبحك
ووي ناسي
مو بزاد اتمالحت بدموع جرحك

كل عشره..امعاشرهه بخيم واهات
كل عشره..اتدووم بطيحه الدمعات
الناس الما تنوح اعليك ماضي ومات
....................................................
عشنه اجروح للزهره
ما عشنه الجرح للناس
من سنة السنة بخوفه
وقلقنه الليلة العباس

الدنيا ضلمه
والجرح والدمعه بيبان لسبيلك
هاي هضمه
نشم هوه وطايح على الشاطي كفيلك
بخوف عشنه
استوحدك من طاح عباسك جبيلك

تجرحني..عدوانك عليك اتطوف
تجرحني..بده أبخيمه رقية الخوف
عله جف العدو وعباس ماله جفوف

مصطفى صادق اللامي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

يروى عن يوسف الزهرة
بكربله وأيده اعله صدرة
لان بيها خيول عشرة
يا كربلاء يا كربلاء
،،،،،،،،،
راحن عيوني و نعمن وحتى الدمع خلصته
وحسين بعده لهل وكت ما خلصت سالفته
يومية بالطف ينذبح و الخيمة تحرگ اخته
اتسحگه الخيول و ترد و تگول ما ساحگته

صاح صاح
مگطوع نفسه و ما صاح
يم الخيم كام و طاح

مات مات
ياخيل كافي مو مات
ونترس جسمة صوابات
مات مات

الخيل بيه اتبوگ بوگه
وما ادري جم حافر الفوگه
امن العطش يبست اعروگه
يا كربلاء يا كربلاء
،،،،،،،،،،،،
الف وتسعمية جرح فوگ الجروح العنده
والناس ركضت عالخيم و حسين دمعة بخده
عطشان بعده بكربله محد البرد چبده
امن العاشر لهذا الوكت باقي الحسين بوحده

جان جان
عدهم خيم للنسوان
صارن ارماد و دخان

ليش ليش
يناگ راسك چاليش
وزينب تضل وسط الجيش
ليش ليش

المكسور ضهرة اعله الشريعة
الناس للحافر تبيعه
وتعاين اعليه الوديعة
ياكربلاء يا كربلاء
،،،،،،،،،،
طال انتظاري و ما شفت وين الفرج يا جمعة
عاشور هّل و اهل الخيم تنتظر منكم فزعة
باعت الزهرة اجم ضلع بس كون سالم ضلعة
دين البشر لاهل البشر و دين الخدامة الدمعة

صار صار
دين الخدم جدر ونار
وتثوب اعله الزوار

كون كون
اهل المجالس يعمون
يستاهل حسين عيون
كون كون

حامي المجالس بخت عباس
او دين هاي الناس للناس
ديني لنفسي لاخر انفاس
ياكربلاء يا كربلاء
،،،،،،،،،،،،
حسين رايد بس گلب معجون بيه الفطرة
للفقرة مخلوق الدمع ما منخلق للشهرة
اهواي وادم عبرته و ما شافها ابن الزهرة
بيهم الشايلة رمح و بيهم اليكسر صدرة

عين عين
بعيوني شفت اني اثنين
كعدو يذبحون حسين

ناس ناس
ما ادري ياهو امن الناس
يكطع جفوف العباس
ناس ناس

بيهم امن الوادم يزوره
و بگلبه ما شايل حرورة
الفطرة بس دين الجدورة
يا كربلاء يا كربلاء
،،،،،،،،،،،،
مذبوح الحسين وگلت عايش بصيت الخدمة
والنعمة واجب تنشكر تنداس ليش النعمة
بين الخدم بس خادمك ينحسب بيهم زلمة
لو ما العباس انذبح ما طلعت الكم حرمة

راح راح
ضعن الحرم لمن راح
متروس رؤوس اعله ارماح

نوك نوك
جم متن منهن مطكوك
والهضمة طبن للسوك
نوك نوك

للشام و الرحلة طويله
وزينب تسولف عالهزيلة
نزليني جسمي باد حيلة
يا كربلاء يا كربلاء
،،،،،،،،،،،،،
كريم الدراجي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

من بعد دعائكم لولي النعمة
صاحب العصر والزمان
أحتاج دعائكم 🙏❤️

بنات حسين يم الخيمه طاحن
ركضن محد الكال استراحن
افا ونسوان هاشم هاجه بجول
واني من البجي عويناتي راحن

الم روحي لم بيجن الم بحسين المطشر
حرت والله شسوي اني بذيال العبايه اعثر
عجوز وشيباني التل وحك عباس ماكدر

اريدن حل ماندل
اروحن وين محتاره
اريدن حل كتلني التل
عن عباس وخباره
-----------
اجاجن ليل عمه وماكو خيمه
زغار ولاذن بحدري هضيمه
زغار وخايفات وجلجل اليل
مو نسون زلمه تخوف الهيمه

يخوفجن ضلام الطف الحكو زغاركم خافن
حكهن من يخافن حيل مذبوح الزلم شافن
بعباتي الايحتهه النار التمن كلهن ولا ذن

حرت بيهن وحامين
عن ذباح والدهن
حرت بيهن يبجيهن
ومايقبل يساعدهن
-----------
وين حسين باكوهه التراجي
ثوب رقيه ناكع بل بواجي
رقيه عليك تنشد كلش هواي
يعمه امشي لبوي حسين حاجي

ايسن مايرد حسين ابوجن سابح بدمه
ينشدني عليك هواي وكلهن مايرد عمه
كعد لارقيه تموت راح من البجي تعمه

ذباحك يهد بلسيف
وشايل صوط بجفوفه
ذباحك يهد ياحيف
وطفله بطفه مجتوفه
--------------
ضلمه وهيمه بل طف ركضوهن
اجه الذباح شايل راس ابوهن
شافن راس ابوهن يبجين عليه
ازغار بيا ذنب وليه ولوهن

لابوجن ولا عباس ولا لاكبر عدل يمجن
وايام الادلال تروح وبعد محد يدللجن
وحده بوحده مشدوده ركضن محد يلمجن

والتوكع تره تنداس
خيل هواي بل عاشر
والتوكع تره ياناس
تصبح حصت الحافر
---------------
بنات الساده يبجن والبجي هواي
العطش بين عليهن رادن الماي
الاعمجن يرد لا جود عباس
يم الكافل امشن كومن وياي

كومن يابنات حسين يم عباس خل نمشي
جا بلكت يفز عباس بكلت يوعهه من نحجي
بعيده المشرعه عليجن يبجن واني كمت ابجي

مناشغ صار مايسمع
تكسر خاطر اطفالك
مناشغ صار مايرجع
يهد كل ساع جتالك

صباح جهاد

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

يا ربي عجل أمره
وينه عزيز الزهره
ــــــــــــــــــــــــــــــــــــــ
ازغيرون وامي اتسولف وتحچيلي
ابحب الامام الـمهدي شدت حيلي
بالليل أبچي وتگعد اتلوليلي
مهدي يمهدي اتگول واتناغيلي

وما اسأل اعله الفطره
وينه عزيز الزهره
ــــــــــــــــــــــــــــــــــــــ
عالحب كبرت اووالدي وصّاني
يوليدي گلي من اموتن اني
زوّرني حيدر علي لا تنساني
وبعدين للسهله أخذ جثماني

واهناكه إگعد واقره
وينه عزيز الزهره
ــــــــــــــــــــــــــــــــــــــ
ايگولون عد بيت الله يوم اظهوره
يتسند اعله الحايط بهالصوره
وجهه يشع إويترس المعموره
والشمس تتداين ضوه من نوره

واحنه نتاني البشره
وينه عزيز الزهره
ــــــــــــــــــــــــــــــــــــــ
بين الركن وامقامه يرفع رايه
ويم بير زمزمهه يگول احجايه
كون ابثواب احسين نشرب مايه
وبداخل الكعبه يسوي اقرايه

مل الصبر من صبره
وينه عزيز الزهره
ــــــــــــــــــــــــــــــــــــــ
وايروح يم گبر النبي وايقبله
مظلوم يتجدي الرسول ايگله
وايسوي گبر الزهره مثل القبله
هوه الامام المنتظر يندله

والمخفي يصبح حضره
وينه عزيز الزهره
ــــــــــــــــــــــــــــــــــــــ
يايوم يلتم الشمل وانشوفه
وگبر الحسين اوي الامان انطوفه
وعباس ابو فاضل دخيل احروفه
ايفك الجفن وايبوس عطر اچفوفه

والزينب ايهل عبره
وينه عزيز الزهره

محمد الجماسي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

😭💔

انت منو؟
الكلك حميه و مرجله وغيره ومحنّه وعاطفه
وحبّ و عفو
انت منو؟

الكلك وجاهه ومنزله ورفعه ومقام و مرتبه وهيبه وعلو
انت منو؟

ضمن البشر من تنحسب ماهو عدل
ولو رب احسبك حسبتي تطلع غلو
انت منو؟

ايصيحولك المولى الغريب ابلا وطن
وشفتك وطن والعالم بأسره لفو
انت منو؟

لطفك اجه امن اقصى المدينه يسعى لگلوب الخلگ
يتنگّل لگلب لگلب نگلة بدو
انت منو؟

اتعنو الك سبعينك ومدّو رگبهم فدوه الك
وباللاشعور وكلها صاحت بالفخر
طعم العسل مر والممات بكربله طعمه حلو
انت منو؟

شجابه وهب يم عالمك
وشعرّفه بفي شيمتك
عاف الكنيسه و التجه بظل خيمتك
اشلون انتشلته من غياهب جبه لاحضان الحرب

چلّب وهب بمحبّتك تالي صعد ؟
وحبّك تحوّلّه دلو؟
انت منو؟

ما تنعقل
زلمه و مقابيله عدو حوله يلف
جيش وخيول امحاصرتّه وبي تحف
الجيش الاجه تعداده بالسبعين الف
ما سامع الصار وجره وي اي بشر
والحاله بلّه شتنوصِف
منّ النهر شال العذب بيده و رشف خيل العدو
انت منو؟

ما حصّلت
من دوّرت مثلك شخص
ما حصّلت
گّلبت الاوجوه وشفت تاريخ الاكوان وبديت براحه افرزن زلمه زلمه و اعرفت

حال الخليقه تختلف

وعقلي صفن تالي انتبه
من كل بشر ربّنا خلقله اربعين امن الشبه
لاچن شبيهك ما اكو
انت منو؟

محمد اياد السعد
2025
✍🏼مدينة السليمانية

إعتصموا بفاطمة ❤️🙏

هاي التخلي الضهر مكسور
الساده برمل وبيوتنه قصور
ومحد نحب يم ذيج الكبور

ندمه چبيره مشيبه الزغار
معصوم من بعيد ينزار
نار الهضم مو مثل كل نار

الينطي ذهب شوضال اتراب
ماله بنيه تلم الحباب
وماعنده باب المايسد باب

يايوم يابو جبد ممرود
يمك نجي بهدومنه السود
حزنك دهر والعمر معدود

مرتضى حرب

#البقيع_مطلب_الشرفاء

See more posts

Open in Telegram