قناة ديوان كعبة الاحزان

💎 قنوات الدعم الحسيني 1kفمافوق،

⚡قناة تدبر القرآن الكريم و #الاسئلة_القرآنية

https://t.me/Tdper/7565

🌴قناة اختبار فارسيي
https://t.me/pers_test

🌴عشاق الحجه
https://t.me/ya_313_zhraa

🌴 عشاق مهدي الزمان
https://t.me/eashaqalmahdi

🌴رفع الله راية العباس
https://t.me/Zzzzzzaaaaaiiiiiinnnaaaabbbbb

🌴احكام القرآن الكريم
https://t.me/ashal_alturuq

🌴تنمية بشرية 📚
@moses95@moses95

🌴وجيها بالحسين
https://t.me/farshahussain

🌴نبضي حسيني
https://t.me/alhussen14

 🌴 قناة باب المراد
https://t.me/Alamamaljwad

🌴نقاء
https://t.me/Meo_c

🌴قناة ديوان كعبة الاحزان
https://t.me/qsxftu

🌴قارئات الحسين في الطف
https://t.me/Z_a_n_b_e

🌴 المله والشاعره يقين الكربلائية
https://t.me/aayy1993

🌴قناة الشاعره ام سجاد العسكري
https://t.me/Alaqela313

🌴تعليم المقامات
https://t.me/sueiirit

🌴قناة الشاعره سهيله حسين
https://t.me/moohamd1963

🌴تبارك العفراوي
https://t.me/HOSENHbabE

🌴لـ أم عـَباس ألسـكيـني
https://t.me/umabbas1979

🌴أرح قلبك🌱❤
https://t.me/arh_blqoraan

🌴نَسِيــمُ الْهَــــوَى🌿
https://t.me/kig11

🌴قناة احباب ام البنين«؏»
https://t.me/NoorAlHussein313

🌴ناعيات الطف للقصائد المشتركة
https://t.me/Alaqelaa313

🌴ديوان انين وعبرات
https://t.me/meumabolfazlmoghadam

🌴ام مهدي الفرطوسية
https://t.me/alikerem
🌴الشاعرة زينب الفياض
https://t.me/zainab_alfayaad

🌴الشاعره زهراء المالكي
https://t.me/llooollz
الحشد الشعبي المقدس
https://t.me/Alhashd313313

🌴تدبر في آية او قصة او رواية
https://t.me/Tdper/6997


للإنضمام الى اللستة  أرسل قناتك هنا👇👇🏽👇🏽

@Sssrrrruuuhhggbot

السلام عليكم ورحمه الله وبركاته عدنه ختمه قرانيه اللي يحب يشارك يكتب تم مع إسم الجزء الأجزاء

30

اخواتي جبت الكم قناه مال التلحين لكافه القصائد اي قصيده صعبه عليج دزي القصيده واحنه نلحنها الج هذا الرابط


https://t.me/an_an_31

السلام عليكم
اكو هواي اشخاص ديدخلون ويسألون شنو محتوى القناة او شنو يعني cv سيڤي ...

احنا قناة لانشاء السيرة الذاتية cv بالغة العربية والانكليزية مقابل مبلغ بسيط المطلوب في التقديم على أي وظيفة ويحتوي على معلومات الشخص المقدم على الوظيفة ويتضمن المعلومات التالية:-
الاسم الثلاثي
الرقم
الايميل
مكان السكن
التحصيل الدراسي
اماكن العمل السابقة
الدورات التدريبية
سنة التخرج
العمر
صورة شخصية

والصور الي فوك هي نماذج الشغلنة💛

للتواصل راسلونه ع المعرف التالي
@alll99875

بسم الله الرحمن الرحيم

{وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ}

🔷️تدعوكم مؤسسة الإمام علي الخيرية إلى الإشتراك بهذا العمل الخيري والذي هو تأدية الصلاة والصيام والزيارات نيابة عن المشتركين .
وإن شاءالله تحدث تغيرات في الأعمال في المستقبل .

1️⃣ كيفية الإشتراك:-

١) الإشتراك سيكون بدفع خمسة الآف دينار عراقي شهريا .

٢) لكل مشترك إذا مات لاسامح الله تقضى عنه صلاة خمس سنوات وصوم أيضا خمس سنوات.

٣) إذا مات الشخص المشترك لاسامح الله يصلي عنه جميع المشتركين صلاة الوحشة في حين لو كان الشخص مشغولا عليه أن يتصدق بدل عن الصلاة أو الصلاة على محمد وآل محمد ١٠٠ مرة .

٤) لو إشترك الشخص ب ( ١٠) الآلف شهريا ستكون الصلاة عنه ( ١٠ سنوات والصوم ١٠ سنوات).


2️⃣ الأمور التي يحصل عليها المشترك :-

١) زيارة عن كل المشتركين في كل أسبوع لأمير المؤمنين (عليه السلام) .


٢) ختمة قرآنية عن كل المشتركين في الشهر مرة واحدة.

٣) زيارة الكوفة والسهلة عن كل المشتركين مرة واحدة في كل إسبوع.

٤) زيارة الإمام الحسين (عليه السلام) عن كل المشتركين مرة واحدة في كل أسبوع.

٥) زيارة الإمام الكاظم عليه السلام مرة واحدة في كل أسبوع.

٦) في أيام الحج والعمرة ( عمرة نيابية عن كل المشتركين مع التمكن).

٧) قراءة بعض الأدعية والزيارات وبعض الأعمال المستحبة نيابة عن كل المشتركين.

3️⃣ شروط المشترك :

١) أن لا يكون عمر المشترك ٦٠ سنة في حين لو أراد صاحب الستين الإشتراك فعليه أن يدفع في الشهر ٢٥ ألف دينار أو
أن يدفع ( ٥٠٠٠) دينار ويكون مشمولا فقط في المستحبات دون الواجبات .

٢) أن يكون المشترك يمتلك برنامج التلكرام للتواصل معه.

٣) تخويل المشرف على الجمعية.


🔺️ملاحظة 1️⃣: تجمع الأموال في كل شهر عند المندوب لكل محافظة من المحافظات بعد أن يبلغ عدد المشتركين مايكون فيه الكفاية.

🔺️ملاحظة 2️⃣: إذا أنسحب الشخص عن الجمعية يكون ما أعطاه بازاء الأعمال التي قد تمت ونسأل من الله القبول .

🛑ملاحظة 3️⃣:
ان لا يكون المشترك في مرض الموت



وفقكم الله تعالى لكل خير.

للإستفسار الإتصال بالمعرف التالي
@Sssrrrruuuhhggbot

قصيدة للإمام الحجه عجل الله فرجه الشريف

يخنگ حيل الغروب للفــــاگدله محبوب
مينام الليالي الفگد غالي.. يبقه مكسور
شمعه يبقه ويذوب گلبه برمح مصيوب
مينام الليالي الفگد غالي.. يبقه مكسور
ـــــــ❥❀✿❀❥ـــــــ❥❀✿❀❥ــــــــ
بالعيون -كسرة گلب چن كســرت الرباب
بالعيون- تلگه ألم وســـــــــوالف وعتاب
بالعيون -مبينه الهضيمه وواضح العذاب
بالعيون-تلاحض مواجـــع والدمع جواب

تلگه بنص العيـــــــــون أوجاع اليحبون
العاشگ إمامه كل أيــــــــامه عند عاشور
يخنگ حيل الغروب للفــــاگدله محبوب
مينام الليالي الفگد غالي.. يبقه مكسور  
ـــــــ❥❀✿❀❥ـــــــ❥❀✿❀❥ــــــــ
يگلبي-بينه جـــــــــرح مااضن أبد يطيب
يگلبي-لكسر الگلب مــــــايرهم أي طبيب
يگلبي-غــــــــــايب حبيبك عَلي بالنحيب
يگلبي- ليش النحبه يــــــــــــاگلب يغيب

الغايب حبيبه يحـــــــــــــــــــــلاله نحيبه
الكسر شيجبره يحس نحره بسيف مجرور
يخنگ حيل الغروب للفــــاگدله محبوب
مينام الليالي الفگد غالي.. يبقه مكسور
ـــــــ❥❀✿❀❥ـــــــ❥❀✿❀❥ــــــــ
يمهدي-تدري الگلب ميجبره بس ضواك
يمهدي -آني وهلي يــــــــــاسيدي فداك
يمهدي-ملهوف گلبــــــــــي تظهر وأراك
يمهدي-مو بيدي گلبي حبــــــك وهواك

يـــــــالسكان كيــــاني غيــــابك عذباني
بداعت رقيـــــــــة صد إليه گلبي مقهور
يخنگ حيل الغروب للفــــاگدله محبوب
مينام الليالي الفگد غالي.. يبقه مكسور  
ـــــــ❥❀✿❀❥ـــــــ❥❀✿❀❥ــــــــ
يغايب-مكسور گلبـــــــي وتعرف شأريد
يغايب-عجل عليـــــــــــك بجدك الشهيد
يغايب-أمنيتي أشــــــوفك والگلب يهيد
يغايب-تــــــــــدري بدونك ضايع ووحيد

روحي تنطرك هــــواي عجل فدوه مولاي
يوميه بصلاتي وبحيــــــــاتي أنتَ مذكور
يخنگ حيل الغروب للفــــاگدله محبوب
مينام الليالي الفگد غالي.. يبقه مكسور 
ـــــــ❥❀✿❀❥ـــــــ❥❀✿❀❥ــــــــ

تمت والحمد لله
بقلمي المتواضع
✍ للشاعرة وخادمة الحُسين
رقيـــــة العامـــــري

اخواتي اليوم اخر يوم للتسجيل بكروبات الواتساب لتدريس الاطوار الحسينيه لان باجر نبدي اول درس رجاءا الي تريد تتعلم تتفضل خاص تراسلني على هذا رقمي اضيفها الكروب مجاني 👇👇👇


07709376943

قصيده نادم ويرجو العفو من صاحب العصر والزمان عج
طور مسلم الوائلي
ابچو عليها ولاتقصرون 👇👇


واگف على بابك يرجواي
يانور عيني وامل دنياي
كلي ذنوب وجيتك اليوم
منك اريد العفو مولاي/2/

جيتك ودمعاتي عالخد سايله
وهضم روحي شايله
اي وحگ حيدر علي

ذنوبي كثرت ياحبيبي الغالي
وبالحزن دلالي
يابعد ناسي وهلي

عيوني كل لحظه تناطرعالدرُب
زادت هموم الگلُب
يمتى اشوفك يالولي

اتاني/طلعتك ياصاحب العصر بعجل
اتاني/روحي بفراگك يمولاي بوجل

آه يبن الحسن//آه يبن الحسن

الخـ✍️ــادمه ام زيد الشمري

❥❥ـــــــــــ❁❂❁ـــــــــــ❥❥

جيــتك اجـر بجدمي نحلان
عندي ذنوب وحيــل ندمــان
اطلب سماح وگلبي مجروح
بس لا اظن من عندي زعلان(2)

جيت ندمان وثگيله ذنوبي
وانته الي محبوبي
والك رافع رايه
روحي ملهوفه اشوف عيونك
هايم ومجنونك
بس اريد احچايه
كون تقبلني اصيرن خادم
جيت محني ونادم
والذنوب هوايه

اعاني/بغيبتك مولاي مل مني الصبر
اعاني/خاف ماشوفك وخلصان العمر

آه يبن الحسن//آه يبن الحسن

أم صـــ✍️ــــادق المنصوري

❥❥ـــــــــــ❁❂❁ـــــــــــ❥❥

اهوايه الذنوب وبالگلب نار
اظلم يدربي وحيل محتار
يالمهدي جيتك وانه ندمان
سامحني واقبل مني الأعذار(2)

والله لو تزعل علي ياسيدي
عمري بالهم يبتدي
ظلمه تصبح دنيتي
انه من دونك عيون إبلا نظر
گلبي تعبان احتظر
مااوصف حالتي
نظره منك ياابن خير العمل
وانته للضايع امل
ياملاذي ابحيرتي

عماني / الشوگ اخذ من عيني مولاي الضوه
عماني /گمت احس بريتي مخنوگ الهوه

آه يبن الحسن //آه يبن الحسن

✍️ام محمد تقي الموسوي

❥❥ـــــــــــ❁❂❁ـــــــــــ❥❥

جيتك وگلبي ليك مشتاگ
طال البعد ماذيني الفراگ
ادري بذنوبي سيدي اهواي
مبعدتني عنك والصدر ضاگ(2)

كون تقبل خدمتي بجاه الشهيد
وگلبي من نوحه يهيد
وتعلم انته بحالي

نادم لتقصيري وارد احجيلك
ومن همومي اشكيلك
منفطر دلالي

ضيم هالدنيه صفت بغيابك
شوكت بين احبابك
انظرك يالغالي

عساني/اول الناس التتاني رايتك
عساني/ عيوني تتكحل يمهدي بطلعتك

آه يبن الحسن//آه يبن الحسن

📚🖌️ ام زهراء

❥❥ـــــــــــ❁❂❁ـــــــــــ❥❥

خجلان منك سيدي وجيت
محفره خدودي دموم هليت
التوبه اعله ايدك طيب الروح
لغيرك ابد مايوم انه اشكيت(2)

باب للباري واجيت احجيلك
من الزمان اشكيلك
ونفسي الأماره
ياملاذ الخايف انته المنتظر
لشوفتك راح النظر
المحب تلهب ناره
فراگ يعقوب وعميت عيوني
عاشگك يدروني
وانتظر البشاره

دهاني /هالزمان ومنه حيل انه اتعبت
دهاني /دخيل يامهدي بعباتك جلبت

آه يبن الحسن//آه يبن الحسن

✍️ام احمد العبوديه زبير

❥❥ـــــــــــ❁❂❁ـــــــــــ❥❥

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://t.me/ya_zahraa1977

اخواتي اكو بعد خادمه ما دخلت لكروب الواتساب لتدريس الاطوار الحسينيه خل تراسلني على واتساب واضيفها

07709376943

ماگلك تعال انخاك نخوت زلمه لوليده....
ولا گلك علي اشتاگیت ابوك اينوح كض ايده...
علي يابويه لو تدري شنو معني ابنك اتريده...
وحگك ضيعت دربي صرت سعفه ابهوا البيده...


ايهزني ريح.... گوم تچیلي علي مو راح اطیح
اصرخ واصیح.... یمته اوصل یمك ابرد وستريح

التعباني افراگ وجهك وانته تدري....
آنه ابنك مدري ابني والله مدري....
آخ بويه اوياك خلص توا صبري....


(علي بويه...علي بويه)

____
ادور بل تراب الحار اشم بل گاع و تلفت....
صحت بویه و طلع دخان روحي ابیاعلي احترگت...
ادور وین ترس الگاع البابا ابکل جدم عثرت...
اشعجب ماعاتبت نفسك هيبت والدي انكسرت...



گلبي انکسر.... ماتگوم احسین گدامک عثر...
راح البصر.... راد یوصلك ابوك اوماگدر....


هسه شیوصلني یمك يا هواي...
راح اغمض عيني وسكت گلي جاي...
راح ادیر اعیوني وامشی ارکض وراي....


علي بویه.... علي بویه

___
لگیتك بس درت وجهي و گلت مو هوا لا هوا....
گبل لاتوصله یحسین موت الدنیا ما تسوا....
علي ابکل یا علي اتمناك گوم اندارلك فدوا...
افراگ وجهك وحده بلوا  وكلشي بعدك صار بلوا....


بلوا ابتليت... آخ لو ادريك ميت ما اجيت....
المن لفيت.... وانه فاگدلي ولد یسواله بیت....


وادعتك بل گوا واگف ونتهیت...
گوم امسح دمعي ترضاها بچیت...
علي بویه  اگبال عینك حدبيت....


علي بويه.... علي بويه

___
الموت الماخذك مني اخذ مني الهوا الينشم....
اخذ كلشي الالك بي لون گوم اویاي خل نلتم....
گلبي المدري عایش لیش ابکلمة یاعلي امثلم....
علیك البويه گوم اویاي  انسه الموت وانسه الدم....



انسه الرماح.... گوم شوف احسین ابوك اشلون طاح..
اوليدي راح.... يافراگک سهم نابت بل صفاح...


آخ ياشيبت لحيتي الفرهدوك....
اشلون اشيلك وانته كلش گطعوك...
وداعتك بس الله يدري اشلونه ابوك...


علي بويه... علي بويه

_

خالد السویطي

بل خیل ردمها الخیل بل خیل....
یا لیل نجم قطاك ياليل....
صعبه الزلم بعيونك اتعيل...
الاكبر شهم حلو التفاصيل....


عن لایحسدونه تلثم بل حرب...
سبعین الف طبها و طرها امنل گلب....
الحومه شبت نار من عینه او تشب...

احتارو بعیونه.... او ماگدرو ایلاگونه
چا غیر عمه الکافل... چنه انبی اشوفونه...


(علي الاکبر علی الاکبر)

_
یا موت شنو اشیحچون یاموت...
تابوت ترا الطف صار تابوت...
بل طف ابد ما ینسمع صوت...
زلمه الگدر یم الاکبر ایفوت...


لا مایلاگونه والملگه حلم....
کاشخ ابصولاته بچاها الزلم....
عمه گمر هاشم والاکبر نجم...


یشبه علي ابصولاته... ما تنشگف طگاته...
الجیش یبچي اوحایر... کاتلهم ابضحکاته....

(علي الاکبر.... علي الاکبر)
__
سلطان دخل لل حومه سلطان...
نسوان  سوا الزلم نسوان....
ولجیش رجع من علي حیران...
صبخه و نزل بل حومه طوفان....


یل چنه بسم الله رب المرجله...
من طب علي الاکبر رجفت کربله...
وین الکتائب ذیچ کلها امعلعله...

حتی الشمر ظل حایر.... ویصیح الله الساتر....
سبعین الف گدامه... مادرو شنهو الصایر....

(علي الاکبر.... علي الاکبر)

____
بلسیف نزل مهیوب بلسیف....
عل کیف یگطع ارگاب عل کیف...
لو فاته راس ایصیح یا حیف....
چنه الشمس بحرورت الصیف...


چنه الشمس بل صیف حرگهم حرگ....
ینسمع طگ السیف چن هاون یدگ...
ادخیله ابو الصولات کلش ینعشگ...

والله الیصد بعیونه... جن او صبح مجنونه....
حتی الیفارگ راسه... صاح او علي ممنونه...

علي الاکبر... علي الاکبر

____
خالد السویطي

حي الله خادمات الحسين كل الهلا بيكم راح اشرحلكم نضام تدريسنه شنو هوه وبالتفصيل


اول شي ندرس عبر الموبايل بكروبات خاصه بيكم كلما واسمها


ثاني شي لازم يكون حضورج مستمر وتشاركين وي باقي الخادمات


ثالث شي احنه مو فقط ندرس لا ندرس ونمتحن بالطور الي ناخذه حته بعد ماتيهين او يضيع عليج مفتاح الطور


رابع شي شكد ما شاركين وتدرسين وتمتحنين راح تحصلين درجات عاليه


خامس شي دراستنه على شكل مراحل كل مرحله الها تدريس خاص بيها مثلا

المرحله الاولى خاصه بدراسه الاطوار الحسينيه فقط

الطور الثكيل
الطور السريع
الفزاعي وانواعها
الهوسات


وحته تتأهلين للمرحله الثانيه لازم حضورج كامل ودرجاتج عاليه وفي حال اذا ما تأهلتي تعيدين المرحله من البدايه


سادس شي الدراسه تكون شرح فيديو يخص الدرس او الطور وبعدين نشارك بكروبات التدريس واذا ردتي تشاركين تكتبين اسمج الثلاثي حته تحصلين درجات عاليه



سابع شي اذا تأهلتي للمرحله الي بعدها وحصلتي درجات عاليه راح تحصلين من المعهد مالتنه شهاده شكر وتقدير تكدرين تخدمين بيها لجميع المراقد المقدسه



ثامن شي اذا عجبج النظام وكلش حابه تدرسين تعاي راسليني واتساب واضيفج للكروب قبل ما يكمل العدد احجزي الج مكان وادرسي ويانه

07709376943

لطميه للزهراء عليها السلام على طور (ناذر اسنيني... الخدمة احسيني... يدنيا)

((وزن الوسيله))
______________________

بالكلب جمره... والدمع يجره... يزهراء

نذكر العصره... اضلوع متكسره... يزهراء

❥❥ـــــــــــ❁❂❁ـــــــــــ❥❥
نذكر العصره يزهره ودفعت الباب
والضلع مكسور ويلي ومتنج انعاب
حك دمعنه من يضل لليوم سجاب

بحزن وبلوعه... الروح مفجوعه... يزهراء
نذكر العصره... اضلوع متكسره... يزهراء

✍️ ام حسين العامري
❥❥ـــــــــــ❁❂❁ـــــــــــ❥❥
بحزن وبلوعه ذكرنه ذيـج الجروح
ابد ماننسه الجرالج نبچي ونــوح
كل سنه نعشج نشيعه يم علي نروح

نعلگ الشمعه ،،،،وتنزل الدمعه،،،يزهراء
نذكر العصره،،،اضلوع متكسره،،،يزهراء

أم صـــ✍️ـــــادق المنصوري

❥❥ـــــــــــ❁❂❁ـــــــــــ❥❥
نروح لرض النجف كلنه نهل دمه العين
نشيعج بالحسره يم الحسن وحسين
حاضر المهدي ويساعدنه بالونين

حاضر ويانه ،،، يصيح مولانه يزهراء

نذكر العصره،،،ضلوع متكسره،، يزهراء

الخـ✍️ــادمه ام زيد الشمري

❥❥ـــــــــــ❁❂❁ـــــــــــ❥❥
دفعوا الباب ابغضهم ونبت بسمار
كسروا اظلوع الزچيه وشعلوا النار
الحسن وحسين يويلي الدمع مدرار

وزينب زغيره،،،ظلت ابحيره ،،،يزهراء
نذكر العصره،،،،،اضلوع متكسره،،،،،يزهراء

ام علي المالكي

❥❥ـــــــــــ❁❂❁ـــــــــــ❥❥

زينب زغيره ويتيمه وتصرخ الويل
حملو نعشج يزهره عنها باليل
ضلت بحيره وتنادي ياعلي دخيل

تصيح خلوها .. لاتبعدوها .. يزهراء
نذكر العصره... ضلوع متكسره ... يزهراء

ام ✍️ علي الموسوي
❥❥ـــــــــــ❁❂❁ـــــــــــ❥❥
مانسينه الظلم ذاك اوذيج الهموم
دمعة حسين واخيته تجري بدموم
والحسن يومه وفجعته ويلي بسموم

نرفع الرايه،،،جينه وفايه
يزهراء
نذكر العصره،،،اضلوع متكسره
يزهراء

✍ام اسعد الشمري

❥❥ـــــــــــ❁❂❁ـــــــــــ❥❥

مانسينه الظلع يازهره اوكسرته
ولا نسينه النذل بالباب اوعصرته
اوابد ماننسه هجومه ولا ضربته

من حرگ بابچ،،، اوابد ماهابچ،،،،يزهراء
نذكر العصره،،، اضلوع متكسره،،،،،يزهراء

*الحاجه ام احـــ✍ـــمد الحچامي*

❥❥ـــــــــــ❁❂❁ـــــــــــ❥❥تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://t.me/ya_zahraa1977

( لطمیه في شهادة مولاتي السيدة فاطمة الزهراء عليها السلام ولسان حال مولاتنا زينب عليها السلام )
((الوزن نصاري))
__________________

افراگ الوالده نحلي حـیلي
علیها معلمه او ما نام لیلي

❥ــــــ☆ـــــــ●ـــــــ☆ــــــ❥

آیـــلوالــده يــم المحــنه
افراگچ يلعزیزه مو كتلنه
شیعودچ بعد يا يمه النه
بگیت انحب واگل للعین سيلي

❥ــــــ☆ـــــــ●ـــــــ☆ــــــ❥

يمه اویاچ اریدن يا لحنینه
بعد هیهات یحـبیبه تجینه
اشلون اصبر انه وروحي حزينه
وعلی فراگچ ترى ذايب دلیلي

✍️ العلويه ام مهدي الموسوي

❥ــــــ☆ـــــــ●ـــــــ☆ــــــ❥

اون الفركتج والدمع سجاب
اشوفج وين يالنمتي بالتراب
مااسمع بعد يادكت الباب
هايالوالده كعدي احجيلي

✍️ام حسين العامري

❥ــــــ☆ـــــــ●ـــــــ☆ــــــ❥

آيمصابها نحل اعظامي
بعد ماشوفها حتى ابمنامي
چانت دنيتي وزهرت احلامي
اگلها الروح ويه الشفجه شيلي

✍️ام علي المالكي

❥ــــــ☆ـــــــ●ـــــــ☆ــــــ❥

بفراكج اجر ونه اعله ونه
تعودين لونكطع الضنه
بعدنه ازغار والوكت يتمنه
ونارج بالكلب يمه يويلي

✍️ام مصطفى الاسدي

❥ــــــ☆ـــــــ●ـــــــ☆ــــــ❥

دليلي اتگطع وحيلي تهدم
اون اعليج والدمعات من دم
ياريحه الجنه وربي يعلم
برحيلج مافتر لحظه عويلي

الخـ✍️ــادمه ام زيد الشمري

❥ــــــ☆ـــــــ●ـــــــ☆ــــــ❥

اون بالليل عالشالت حــياتي
اريد اصرخ ييمه الحد مماتي
يسموني ام حزن صارت صفاتي
بس كون بحلم شخصج يجيلي

✍ام اسعد الشمري

❥ــــــ☆ـــــــ●ـــــــ☆ــــــ❥

تمت باقلام شاعـ✍️ــرات رابطة خادمات سيد الشهداء عليه السلام
غير مبري الذمه لكل من يغيير الاسماء او ياخذ كلمات القصيده وينسبها اليه

https://t.me/ya_zahraa1977

بقصيده لمولاتي معصومه وحزنها على الامام الرضا
عليهما السلام

المستهل والقفله تجليبه
النص نصاري👇👇
___________________

معصومه تون والدمعه تجريها
سألت ليش طوس تون اهاليها

❥❥ـــــــــــ❁❂❁ـــــــــــ❥❥

من بعيد شافت سود الاعلام
وشافت ناس تبجي وتلطم الهام
سألت والگلب بالحزن محتام
ليش الناس كثرانه نواعيها

الخـ✍️ــادمه ام زيد الشمري

❥❥ـــــــــــ❁❂❁ـــــــــــ❥❥

ليش الناس تبجي مدري شصار
قم أمسوده چا شنهي الاخبار
كالوه يالرضا سموه الاشرار
نعت معصومه وزادت بواچيها

📚🖌️ام زهراء

❥❥ـــــــــــ❁❂❁ـــــــــــ❥❥

ردو فاطمه عضيدج غدر راح
لطمت والگلب دم ينزف جراح
جن وانس تبجي وزاد الصياح
لبو محمد دموع العين تجريها

✍ام اسعد الشمري

❥❥ـــــــــــ❁❂❁ـــــــــــ❥❥

اعليه مكدره والحال ياحال
ابو محمد رحل بضعونه وشال
ونت من گلب منهه الدمع سال
شال بعيد مايرجع بعد ليها

✍️ ام حسين العامري

❥❥ـــــــــــ❁❂❁ـــــــــــ❥❥

عليه تبجي التحبه وتلطم اليوم
على الميت اخوها بزاد السموم
مايمه اخوته ومات مهضوم
ماتت من هظمها وشبقى بيها

ام ✍️ علي الموسوي

❥❥ـــــــــــ❁❂❁ـــــــــــ❥❥

ونت عالرضــا ودموعـها تسيل
وتصيــح الاهل كــلهم مچاتيل
خلصان الگلب ما بعد بيه حيل
ميــت بالغرب وتريــد واليـــها

أم صـــ✍️ــــادق المنصوري

❥❥ـــــــــــ❁❂❁ـــــــــــ❥❥

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://t.me/ya_zahraa1977

السلام عليكم ورحمه الله وبركاته عدنه ختمه قرانيه اللي يحب يشارك يكتب تم مع إسم الجزء الأجزاء
5
6